Erjan Jylqybaev vıtse-mınıstr qyzmetinen bosatyldy
Bul týraly Úkimettiń baspasóz qyzmeti habarlady.
E. Jylqybaev 1982 jyly Ońtústik Qazaqstan oblysynda dúnıege kelgen. M. Áýezov atyndaǵy Ońtústik Qazaqstan memlekettik ýnıversıtetin, QR Prezıdentiniń janyndaǵy Memlekettik basqarý akademııasyn, S. Amanjolov atyndaǵy Shyǵys Qazaqstan memlekettik ýnıversıtetin támamdaǵan.
Eńbek jolyn Ońtústik Qazaqstan oblysy Ekonomıka departamentiniń áleýmettik saıasat bóliminiń bas mamany retinde bastaǵan.
Túrli jyldary QR Premer-Mınıstriniń Keńsesinde, QR Ekonomıka jáne bıýdjetti josparlaý mınıstrliginde, Shyǵys Qazaqstan oblysy ákimdiginiń apparatynda, QR Prezıdenti Ákimshiliginde jumys istedi. 2016 jyldyń mamyr aıynan bastap 2019 jyldyń naýryz aıy aralyǵynda Almaty qalasynyń Medeý aýdanynyń ákimi laýazymynda boldy.
2019 jylǵy 26 naýryzdan bastap, 29 sáýirge deıin — QR Eńbek jáne halyqty áleýmettik qorǵaý vıtse-mınıstri. 2019 jylǵy sáýirden qazirgi tańǵa deıin - QR Eńbek jáne halyqty áleýmettik qorǵaý birinshi vıtse-mınıstri qyzmetterin atqaryp keldi.