Erjan Jıenbaev Prezıdent Ákimshiligi Basshysynyń orynbasary bolyp taǵaıyndaldy
ASTANA. KAZINFORM – Memleket basshysynyń Jarlyǵymen Erjan Nurlanuly Jıenbaev QR Prezıdenti Ákimshiligi Basshysynyń orynbasary laýazymyna taǵaıyndaldy.
Bul týraly Aqordanyń baspasóz qyzmeti habarlady.
– Memleket basshysynyń Jarlyǵymen Erjan Nurlanuly Jıenbaev Qazaqstan Respýblıkasy Prezıdenti Ákimshiligi Basshysynyń orynbasary bolyp taǵaıyndaldy, ol burynǵy atqarǵan laýazymynan bosatyldy, – delingen habarlamada.
Erjan Jıenbaev 1981 jyly Almaty qalasynda dúnıege kelgen.
2002 jyly zań mamandyǵy boıynsha «Turan» Ýnıversıtetin, 2018 jyly RHShjMQA-nyń «Executive MBA» baǵdarlamasy boıynsha oqý bitirgen.
2002–2005 jyldary QR Qarjy mınıstrliginiń júıesinde eńbek atqarǵan.
2005-2012 jyldary QR Premer-Mınıstri Keńsesiniń qurylymynda jumys istedi. QR Premer-Mınıstri Keńsesiniń Zań bóliminiń aǵa sarapshysy, bas sarapshysy, bas keńesshisi, sektor meńgerýshisi, bólim meńgerýshiniń orynbasary qyzmetterin atqarǵan.
2012–2013 jyldary — QR Premer-Mınıstri Keńsesiniń Zańnama, qorǵanys jáne quqyqtyq tártip bólimi meńgerýshisiniń orynbasary.
2013 jyldan 2019 jylǵy shildege deıin QR Premer-Mınıstri Keńsesiniń Zań bóliminiń meńgerýshisi qyzmetin atqarǵan.
2019 jylǵy shilde – qazan aralyǵynda QR Premer-Mınıstriniń Keńsesi basshysynyń orynbasary qyzmetin atqarǵan.
2019 jylǵy qazannan 2023 jylǵy qyrkúıekke deıin QR Prezıdentiniń Ákimshiligi Basshysynyń orynbasary bolyp jumys istedi.
2023 jylǵy 1 qyrkúıekte Memleket basshysynyń Jarlyǵymen Qazaqstan Respýblıkasy Prezıdentiniń quqyqtyq máseleler jónindegi kómekshisi bolyp taǵaıyndaldy.
«Qurmet» (2016), «Parasat» (2021) ordenderimen, QR Prezıdentiniń Alǵysymen (2020), QR Prezıdentiniń Qurmet gramotasymen marapattalǵan (2021), 7 mereıtoılyq medaldary
Aıta keteıik, Nurmahan Ádilbekov Memlekettik múlik jáne jekeshelendirý komıtetiniń tóraǵasy bolyp taǵaıyndaldy.
