Erjan Zalılov kásipqoı boksta toǵyzynshy jeńisine qol jetkizdi
ASTANA. QazAqparat - Qazaqstandyq kásipqoı boksshy Erjan Zalılov toǵyzynshy jeńisine qol jetkizdi, dep habarlaıdy QazAqparat tilshisi.
Ol kezekti aıqasyn Máskeýde «Arbat» arenasynda ózbek boksshysy Hýmoıan Rýstamovqa qarsy ótkizdi. Nátıjesinde otandasymyz tóreshilerdiń sheshimimen kezekti jeńisine qol jetkizdi.
Ekinshi jeńil salmaqta (55,2 keli - 122 fýnt) ótken kezdesý 6 raýndtan turdy.
Erjan Zalılov osyǵan deıin 8 jekpe-jek ótkizip, onyń 2-eýin mezgilinen buryn aıaqtaǵan, bir aıqasynda qarsylasymen teń nátıje kórsetken. Al ózbek boksshysy Hýmoıýn Rýstamov kásibı mansabynda ekinshi ret jeńiliske ushyrady.
