Erjan Toqtaǵulov Mádenıet jáne aqparat vıtse-mınıstri bolyp taǵaıyndaldy
ASTANA. KAZINFORM – Qazaqstan Úkimetiniń qaýlysymen Erjan Toqtaǵulov Mádenıet jáne aqparat vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlady.
1992 jyly Jambyl oblysynda dúnıege kelgen.
L.N.Gýmılev atyndaǵy Eýrazııa ulttyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin, Qazaqstan Respýblıkasy Prezıdentiniń janyndaǵy memlekettik basqarý akademııasyn, Halyqaralyq kóliktik-gýmanıtarlyq ýnıversıtetin bitirgen.
Prezıdenttik Jastar kadrlyq rezerviniń múshesi.
2015 jyldan 2018 jylǵa deıin QR Ulttyq Ekonomıka mınıstrliginiń qurylymynda bas maman, sarapshy bolyp jumys istedi.
2018–2019 jyldary — Qazaqstan Respýblıkasy Aqparat jáne kommýnıkatsııalar mınıstrligi Telekommýnıkatsııalar komıteti Baılanys salasyndaǵy baqylaý basqarmasynyń bas sarapshysy.
2019 jyly — «Qazaqstan ındýstrııany damytý ınstıtýty» AQ Sarapshylardyń shyǵyndaryn ornyna toltyrý ortalyǵynyń dırektory.
2019–2020 jyldary — Aqparat jáne qoǵamdyq damý mınıstrligi Aqparat komıteti BAQ salasyndaǵy baqylaý basqarmasy basshysynyń m.a., basshysy.
2020–2021 jyldary — Qostanaı oblysy ákimdiginiń eńbek ınspektsııasy jónindegi basqarmasynyń basshysy – Qostanaı oblysy boıynsha bas memlekettik eńbek ınspektory.
2021–2024 jyldary — Tsıfrlyq damý, ınnovatsııalar jáne aeroǵarysh ónerkásibi mınıstrligi óńiraralyq baılanys ınspektsııasynyń basshysy.
2024 jyldyń naýryz aıynan bastap qazirgi ýaqytqa deıin Qazaqstan Mádenıet jáne aqparat mınıstrligi Tsıfrlyq transformatsııalaý jáne jobalyq menedjment departamentiniń dırektory bolyp jumys istedi.
Buǵan deıin Eńbek jáne halyqty áleýmettik qorǵaý vıtse-mınıstri taǵaıyndalǵanyn jazǵan edik.
