Erjan Tátishev qorynyń bilim granttary baıqaýynyń jeńimpazdary anyqtaldy
ALMATY. 7 maýsmy. QazAqparat - Búgin Almaty «Erjan Tátishev qory» qoǵamdyq qorynyń qarjy-ekonomıkalyq mamandyqtary boıynsha bakalavr dárejesin alýǵa nıettengen mektep jáne kolledj túlekteri men múgedektigi bar jastarǵa arnalǵan 2012 jylǵy bilim granttar baıqaýynyń qorytyndysy jarııalandy.
Onda «Ekonomıka jáne menedjment» mamandyǵy boıynsha Álıhan Baqtybaev pen Konstantın Kravchenko, «Qarjy» mamandyǵy boıynsha Ernar Jekpeldınov pen Irına Mıhalchenko. Múgedektigi bar jastar arasynda Qyzylorda medıtsınalyq kolledjinen «Felsherlik is» mamandyǵy boıynsha Gúlmıra Sádibekova, al balalar úıleri túlekterinen Tursynaı Áýbákirova Ál-Farabı atyndaǵy Qazaq ulttyq ýnıversıtetinen «Shyǵystaný» mamandyǵy boıynsha bilim grantynyń jeńimpazdary atandy.
Erjan Tátishev qory 5 jylda bilim berý baǵdarlamasy boıynsha 63 bilim grantyn bólgen bolatyn. Onyń 27-si az qamtamasyz etilgen otbasydan shyqqan, 25-i múmkindigi shekteýli jastarǵa, al 11-i balalar úıleriniń túlekterine berildi. Qazirgi tańda bul qoǵamdyq qordyń grantymen 32 stıpendıat oqyp jatyr.
