Erjan Shynkeev: Bıyl kezek maǵan kelgenin ishteı sezip júr edim
ASTANA. QazAQparat - «Qazaqstan Barysy» VIII respýblıkalyq týrnıriniń bas júldesin jeńip alǵan Erjan Shynkeev jarystan keıingi áserimen bólisti, dep habarlaıdy QazAqparat tilshisi.
«Qýanyshymda shek joq. Osyǵan deıin bir ret kúmis belbeýge ıe bolsam da, Altyn belbeýdi kim armandamaıdy. Altyn júldeniń syıaqysy da joǵary. Mine, sol armandarym búgin jemisin berdi. Osyǵan deıin ózim qatarlas beldesip júrgen balýandardyń barlyǵy bul ataqty alyp boldy. Bıyl kezek maǵan kelgenin ishteı sezip júrgen bolatynmyn. Úmitim aldamapty. Allaǵa shúkir. Endi kelesi jyly bul týrnırge osy jeńisim úshin irikteýden tys qatysý múmkindigine ıe bolamyn. Kelesi jyly da chempıon atanýǵa bar kúshimdi salamyn», - dedi Erjan Shynkeev jarystan keıin.
Esterińizge sala keteıik, bıylǵy «Qazaqstan Barysy» týrnırinde qaraǵandylyq Erjan Shynkeev chempıon atansa, «Ásker Barysy» Erasyl Qajybaev kúmis belbeýdi, al shyǵysqazaqstandyq Aıbek Nuǵymarov qola belbeýdiń ıegeri atandy.
