Erjan Shynkeev «Álem barysynyń» qola júldegeri atandy

ASTANA. QazAqparat - «Álem barysy» dodasynyń 3-oryny úshin talasynda qazaqstandyq balýan Erjan Shynkeev mońǵolııalyq balýan Serik Berdimurattan basym tústi, dep habarlaıdy «QazAqparat» HAA tilshisi.

Qola úshin talas qos balýan úshin ońaı tıgen joq. Erjannyń basymdyǵy o basta-aq  bilingenimen, Serik baryn salyp baqty. Bir jambas ádispen upaı alyp, búk upaımen alǵa shyqqan Erjan esesin bermedi. Tartysty beldesýdiń qorytyndysy boıynsha Erjan Shynkeev «Álem barysynyń» qola júldegeri atandy.

Aıta keterligi, altyn beldikke ıe bolǵan balýanǵa 15 mıllıon teńge, kúmis beldik ıegerine 5 mıllıon teńge, qola beldik alǵanǵa 3 mıllıon teńge beriledi.

Eske sala ketsek, «Álem barysy» dodasynyń fınalynda Aıbek Nuǵymarov grýzııalyq balýan Gýram Týshıshvılımen kezdesetin boldy. Gýram jartylaı fınalda Erjan Shynkeevty súrindirgen edi. Al Aıbek óz kezeginde Mońǵolııa balýany Serik Berdimurattan basym túsken bolatyn.