Erjan Seıtenov Shymkent qalasy ákiminiń orynbasary boldy
ShYMKENT. KAZINFORM - Qazaqstan Prezıdenti Ákimshiliginiń kelisimimen jáne qala ákiminiń ókimimen Shymkent qalasy ákiminiń orynbasary laýazymyna Erjan Seıtenov taǵaıyndaldy.
Erjan Іrgebaıuly 1974 jylǵy 18 qyrkúıekte Qyzylorda oblysy, Jańaqorǵan aýdanynda dúnıege kelgen.
Eńbek jolyn 1990 jyly Jańaqorǵan temir-beton konstrýktsııalaryn óndirý kásiporny jumysshysy bolyp bastaǵan.
2002-2016 jyldar aralyǵynda jeke sektorda jaýapty basshylyq qyzmetter atqardy. 2016-2021 jyldar aralyǵynda Almaty qalasynyń Jerdiń paıdalanylýy men qorǵalýyn baqylaý, Jasyl ekonomıka, Turǵyn úı saıasaty basqarmalarynyń basshysy, 2021-2023 jyldary Almaty qalasy Almaly aýdanynyń ákimi laýazymynda eńbek etti.
2023 jylǵy qazan aıynan bastap búgingi kúnge deıin Shymkent qalasy ákiminiń apparat basshysy boldy.
Aıta keteıik, budan buryn Shymkent qalasy ákiminiń orynbasary laýazymyna Arman Sábıtov taǵaıyndalǵanyn jazǵan bolatynbyz.