Erjan Sadenov joldarda júrgizýshilerdi jasyryn sholǵyndaýǵa qatysty pikir bildirdi

ASTANA. KAZINFORM – Іshki ister mınıstri Erjan Sadenov joldarda jol júrisi qaǵıdalaryn buzatyn júrgizýshilerdi jasyryn sholǵyndaýǵa qatysty pikir bildirdi.

- Joldarda jasyryn sholǵyndaý jumystary uıymdastyrylyp jatyr. Oǵan durys qaraý kerek. Jasyryn, ańdý degen másele joq. Biz olardy anyqtap, júrgizýshilermen aldyn alý sharalaryn júrgizemiz. Muny jol apaty, adam ólimi bolmaýy úshin istep jatyrmyz. Júrgizýshi jol erejesin saqtap, zańmen júrse, nesine qorqady?! Eń bastysy – adam ómiri. Ashyq túrde tirkeý quraldary bar. Jol belgisin kórgende jyldamdyqty tómendetip, aqyryn júresiz. Qala turǵyny birneshe jyl sol jerde turǵan soń qaı jerde qandaı kamera bar ekenin biledi. Adambyz ǵoı, kamera joq jerde jyldamdyq asyramyz. Sondyqtan jasyryn sholǵyndaý bolýy kerek, - dedi mınıstr Májilistiń jalpy otyrysynan keıin BAQ ókilderiniń saýalyna oraı.

Osy oraıda Erjan Sadenov polıtsııa maqsaty aıyppul salý emes dep atap ótkenimen, jasyryn sholǵyndaý barysynda jol júrisi erejesi buzylǵany tirkelgende, júrgizýshige aıyppul salynatynyn jasyrǵan joq.

Erjan Sadenov kúdikke ilingen polıtseıder jaıynda pikir bildirgen edi.