Erjan Sádenov patrýldik avtokólikterdi mobıldi keshendermen jabdyqtamaǵan óńirlerge shaǵymdandy
ASTANA. KAZINFORM — Elimizdegi patrýldik kólikterdiń 86 paıyzy mobıldi keshendermen jabdyqtalmaǵan. Bul týraly Úkimet otyrysynda Іshki ister mınıstri Erjan Sádenov aıtty.
— Sońǵy 10 jylda Úkimettiń qoldaýymen polıtsııanyń materıaldyq-tehnıkalyq jaǵdaıy biraz jaqsardy. El boıynsha patrýldik avtokólikterdiń sany — 3 myńǵa jetti. Biraq, ókinishke oraı olardyń 86 paıyzda paıyzynda mobıldik keshender joq. Bul degenimiz — jasandy ıntellektini qoldanýǵa, jyldamdyqty asyrý, izdeýde júrgen kólikterdi anyqtaýǵa, oqıǵa ornyna barǵan kezde qajetti málimetterdi jedel jınaqtaýǵa múmkindik shekteýli, — dedi mınıstr.
Onyń aıtýynsha, bul tsıfrlyq sheshimder jergilikti bıýdjet esebinen satyp alynady.
— Alaıda, ákimdikter bul jumysty barlyq jerde birdeı belsendi júrgizip jatqan joq. Ásirese, 14 óńir boıynsha suraq kóp. Qaraǵandy, Qyzylorda, Jetisý, Pavlodar jáne Shyǵys Qazaqstan oblystarynda jabdyqtalý deńgeıi 17 paıyzdan aspaıdy, — dedi Erjan Sádenov.
Aıta keteıik, otyrysta jol qozǵalysy qaýipsizdigin qamtamasyz etý máselesi qaralyp, jylý berý maýsymyna daıyndyq barysy pysyqtalyp jatyr.
