Erjan Sádenov óziniń orynbasary týraly: Álenov — tájirıbeli ofıtser

ASTANA. KAZINFORM — Іshki ister mınıstri Erjan Sádenov osyǵan deıin Almaty oblysy polıtsııa departamentin basqarǵan Baýyrjan Álenovtiń mınıstrdiń birinshi orynbasary laýazymyna taǵaıyndalýyna qatysty pikir aıtty.

Búgin Senattyń jalpy otyrysynan keıin tilshiler mınıstrden «Talǵardaǵy oqıǵadan keıin Baýyrjan Álenov Іshki ister mınıstriniń birinshi orynbasary qyzmetine qalaı taǵaıyndaldy» dep surady.

«Birinshiden, ol mınıstrlikke jaı ǵana kele salǵan joq. Mınıstrliktiń bólimsheleri boıynsha kadrlyq rezerv júıesi bar. Ol kisini tájirıbeli ofıtser retinde bilemiz. Sondyqtan onyń taǵaıyndalýyna qatysty sheshim bir kúnde jasalmady», — dedi E. Sádenov.

Eske salaıyq, 4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz. 

7 qazanda Baýyrjan Tólegenuly Álenov QR Іshki ister mınıstriniń birinshi orynbasary laýazymyna taǵaıyndalǵany málim boldy. 

Ashýly talǵarlyqtar jasóspirim ólimine baılanysty narazylyqqa shyqty. 

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy. 

Artynsha marqum Sherzat Bolattyń isi boıynsha Almaty oblysynyń birneshe joǵary laýazymdy polıtsııa qyzmetkeri qyzmetinen bosatyldy.