Erjan Sadenov kúdikke ilingen polıtseıler jaıynda: aramyzda satqyndar bolmaýy kerek

ASTANA. KAZINFORM – Polıtsııa qatarynda kúdikke ilingenderge qatysty qatań ustanym bar. Bul týraly Іshki ister mınıstri Erjan Sadenov málim etti.

Búgin Parlament Májilisindegi baspasóz máslıhatynda tilshiler mınıstrge Jambyl oblysynda polıtseıdiń qamaýǵa alynýy deregine qatysty suraq qoıdy.

— Ókinishke qaraı, mundaı derekter boldy. Іshki ister mınıstrligi — iri vedomstvolardyń biri. Byltyrǵy derekterge qaraǵanda, bizde statıstıka jaqsaryp otyr. Zańdy buzý, onyń ishinde qylmystyq áreketke barý polıtsııa qyzmetkeriniń joǵary mártebesine múldem sáıkes kelmeıtinin birneshe ret aıttym. Polıtseı halyqty qorǵaýy kerek. Mundaı jaǵdaılarda biz satqyndyq týraly aıtyp otyrmyz. Satqyndarmen qysqa ǵana sóılesemiz. Naqty Jambyl oblysy boıynsha ózimiz anyqtadyq. Osyndaı derekterge qatysty ustanymymyz qatal. Bizdiń aramyzda satqyndar bolmaýy kerek, — dedi Erjan Sadenov.

Budan buryn habarlanǵandaı, Jambyl polıtsııa departamenti basshysynyń orynbasary qyzmetten qýylyp, artynsha qamaýǵa alyndy.