Erjan Sádenov bilim berý nysandary nege tekserilip jatqanyn túsindirdi
ASTANA. KAZINFORM – Bilim berý nysyndaryn tekserý aıasynda 100-den astam basshy jazalandy. Bul týraly Úkimet otyrysynda Іshki ister mınıstri Erjan Sádenov málim etti.
- Bilim berý obektileriniń terrorızmge qarsy qorǵalý deńgeıin tekserý jalǵasyp keledi. Bıyl 1 517 nysan tekserildi, 345-inde kemshilikter anyqtaldy. 112 basshy ákimshilik jaýapkershilikke tartyldy, - dedi E. Sádenov.
Sonymen qatar ol jazǵy demalys aıasynda bilim berý uıymdarynda birqatar keshendi sharalar qabyldanǵanyn jetkizdi. Atap aıtqanda:
– quqyqtyq lektsııalar boıynsha sabaqtar (42 myń);
– «Zań men Tártip» qaǵıdatyn túsindirý jumystary;
– «jeke qaýipsizdik» sabaqtary uıymdastyryldy.
Budan buryn habarlanǵandaı, búgin Úkimet otyrysynda meıramhanalarda mektep bitirý keshterin uıymdastyrýǵa tyıym salynǵany aıtyldy.
