Erjan Sádenov Aitu jaıynda: senimdi bolǵan soń qoldanyp otyrmyz
ASTANA. KAZINFORM – Іshki ister mınıstrliniń búkil quramy Aitu messendjerine kóshti. Bul týraly Іshki ister mınıstri Erjan Sádenov aıtty.
- Jalǵyz men emes, búkil jeke quram Aitu-ǵa kóshti. Birinshiden, bul - ulttyq, memlekettik messendjer. Oǵan qýaný kerek. Árıne, kemshilikter, tehnıkalyq ahaý bolatyn shyǵar. Kósh júre túzeledi. Alaıaqtyqqa qatysty ony ázirleýshilermen tikeleı jumys isteımiz. Kemshilikterin solarmen talqylaımyz. ІІM-de bul salaǵa qatysty arnaıy departament bar, - dedi mınıstr Májilistiń jalpy otyrysyna keıin BAQ ókilderiniń saýalyna oraı.
Osy oraıda tilshiler odan messendjerdiń qanshalyqty senimdi ekenin surady.
- Árıne, senimdi. Sondyqtan da biz qoldanyp otyrmyz. Al alaıaqtyq bolýy múmkin. Oǵan tosqaýyl qoıamyz. Oryn alsa anyqtap, alaıaqty jaýapkershilikke tartamyz, - dedi Erjan Sádenov.
Buǵan deıin Aitu messendjerin aı saıyn 500 myńǵa jýyq adam qoldanatynyn jazǵan edik.