Erjan Nurlybaev: Temirtaýda eki adam koronavırýs juqtyrdy degen aqparat jalǵan
QARAǴANDY. QazAqparat – Qaraǵandyda ótken onlaın-brıfıngte koronavırýstyq ınfektsııaǵa qatysty jaǵdaı týraly málimdeme jasaldy.
Oblystyq densaýlyq saqtaý basqarmasynyń basshysy Erjan Nurlybaev ınfektsııa juqtyrǵandardyń jaǵdaıy týraly baıandady, dep habarlaıdy «QazAqparat».
Qaraǵandy oblysy Densaýlyq saqtaý basqarmasynyń bastyǵy Erjan Nurlybaev áleýmettik jelilerde taratylatyn jalǵan habarlamalar týraly baıandady.
«Temirtaý qalasynda koronavırýstyq ınfektsııany juqtyrýdyń 2 oqıǵasy tirkelgenni týraly aqparat jalǵan! Kún saıyn biz sizdermen epıdemıologııa salasy boıynsha ózgerister týraly senimdi aqparat alý úshin kezdesip otyrmyz», - dedi Erjan Nurlybaev.
Vedomstvo basshysy óńir turǵyndaryn resmı túpnusqaǵa siltemesiz taratylatyn kúmándi aqparatqa senbeýge shaqyrdy. Sondaı-aq, úreıge boı aldyrmaı, jalǵan aqparatty taratýǵa bolmaıtynan eske saldy. Bul úshin Qazaqstan Respýblıkasynyń qoldanystaǵy zańnamasyna sáıkes qylmystyq jaýapkershilik qarastyrylǵan.
Qaraǵandy oblysynda koronovırýstyq ınfektsııa juqtyrýdyń 2 oqıǵasy tirkeldi.
Patsıentter oqshaýlanǵan ınfektsııalyq bólimshede ornalasqan. Eki patsıenttiń de jaǵdaıy qanaǵattanarlyq dep baǵalanady. Olar qajetti em alýda.
Qaraǵandy oblysynda táýlik boıy baqylaý jasalatyn karantınde 124 adam bar. Úı karantıninde 31 adam, medıtsınalyq baqylaýda ózin-ózi oqshaýlaýsyz – 249 adam, qashyqtyqtan monıtorıngte (kúndelikti qońyraý shalý) 277 adam.
Úı karantınindegi adamdar úshin Damumed qosymshasynda óziniń jaı-kúıin monıtorıngileýge arnalǵan jańa qyzmet paıda boldy. Paıdalanýshy kúndelikti óziniń densaýlyǵy týraly aqparatty toltyrady, ol dereý emdeýshi dárigerge túsedi.
Sonymen qatar, qosymshada árbir paıdalanýshy onlaın testten óte alady. Ol koronavırýstyq ınfektsııaǵa tán sımptomdardyń bolýy nemese bolmaýy týraly birqatar suraqqa jaýap bere otyryp, dárigerdi shaqyrý kerek pe, álde joq pa ekenin anyqtaýǵa múmkindik beredi. Bul múmkindikter qosymshanyń jańa nusqasynda qoljetimdi.
Sondaı-aq, basqarma basshysy maskalarǵa qatysty jaǵdaı týraly da baıandady.
«Maskalar jergilikti óndirýshiden áleýmettik dárihanalarǵa túsip jatyr. Keshe 18 500 dana maskak jetkizildi. Sondaı-aq áleýmettik dárihanalar josparly túrde dezınfektsııalaý quraldarymen qamtamasyz etiledi. Olar endi 26 naýryzda, beısenbi kúni jetkiziledi», - dedi Erjan Nurlybaev.
