Erjan Nurlybaev QR densaýlyq saqtaý vıtse-mınıstri bolyp taǵaıyndaldy

ASTANA. KAZINFORM - Qazaqstan Úkimetiniń qaýlysymen Erjan Shákiruly Nurlybaev densaýlyq saqtaý vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlaıdy. 

Erjan Nurlybaev 1975 jyly Temirtaý qalasynda dúnıege kelgen. Qaraǵandy memlekettik medıtsına akademııasyn «Emdeý isi» mamandyǵy boıynsha, Qaztutynýodaǵy Qaraǵandy ekonomıkalyq ýnıversıtetin «Menedjment» mamandyǵy boıynsha bitirgen.

Eńbek jolyn 1998 jyly Qaraǵandy №1 qalalyq aýrýhanasynda dáriger-hırýrg bolyp bastaǵan.

2004-2006 jyldary atalǵan medıtsınalyq mekeme dırektorynyń emdeý isi jónindegi orynbasary qyzmetin atqardy.

Ár jyldary Qaraǵandy oblysynyń bas hırýrgi bolyp qyzmet istedi, H.J. Maqajanov atyndaǵy oblystyq travmatologııa jáne ortopedııa ortalyǵyn basqardy.

2014-2021 jyldary — Qaraǵandy oblysy Densaýlyq saqtaý basqarmasynyń basshysy.

2021 jyldan bastap «QMÝ» KeAQ Dırektorlar keńesiniń tóraǵasy.

Qazirgi ýaqytqa deıin Oblystyq klınıkalyq aýrýhananyń (Qaraǵandy q.) dırektory bolyp jumys istedi.