Erjan Núkejanov QR AKM Aqparat komıtetiniń tóraǵasy bolyp taǵaıyndaldy

ASTANA. QazAqparat - Aqparat jáne kommýnıkatsııalar mınıstriniń buıryǵymen Erjan Bolathanuly Núkejanov QR AKM Aqparat komıtetiniń tóraǵasy laýazymyna taǵaıyndaldy, dep habarlaıdy primeminister.kz.

Erjan Núkejanov 1981 jyly Almatyda dúnıege kelgen. Ál-Farabı atyndaǵy Qazaq ulttyq ýnıversıtetin támamdaǵan. Mamandyǵy - tarıh magıstri.

2002 jyly eńbek jolyn «Qazaqstan teledıdary men radıosy» respýblıkalyq korporatsııasy» JAQ aqparattyq-taldamalyq qyzmetiniń redaktor-júrgizýshisi bolyp bastaǵan.

2002-2009 jyldary Halyqaralyq zamanaýı saıasat ınstıtýtynda, «Habar» agenttiginde, «Nur Otan» respýblıkalyq saıası partııasy» QM-da, QR Mádenıet jáne aqparat mınıstrliginde jumys istegen. 2009-2016 jyldary - QR Prezıdentiniń Baspasóz qyzmetinde sarapshy, keńesshi jáne sektor meńgerýshisi retinde qyzmet etken.

2016 jylǵy maýsym aıynan bastap QR Parlamenti Májilisiniń Apparat Basshysynyń orynbasary laýazymyn atqarǵan.

Eske sala keteıik, 2016 jylǵy shildeden bastap QR Aqparat jáne kommýnıkatsııalar mınıstrliginiń Aqparat komıtetiniń tóraıymy qyzmetin Nurgúl Maýberlınova atqarǵan. Ol 2018 jylǵy sáýirdegi Úkimet qaýlysymen aqparat jáne kommýnıkatsııalar vıtse-mınıstri qyzmetine taǵaıyndalǵan.