Erjan Maksım tyńdarmandaryn elordada ótetin alǵashqy jeke kontsertine shaqyrdy
NUR-SULTAN. QazAqparat - Qazaqstandyq jas ánshi, «Golos. Detı» baıqaýynyń altynshy kezeńiniń jeńimpazy Erjan Maksım elordada óziniń alǵashqy jeke kontsertin beredi, dep habarlaıdy «QazAqparat» HAA.
Kontsert 28 maýsym kún «Qazaqstan» ortalyq kontsert zalynda ótedi. Sáken Maıǵazıev, Ulyqpan Joldasov, Renat Ǵaısın, Móldir Áýelbekova, Aıqyn Tólepbergen syndy belgili ánshiler kesh qonaqtary bolmaq.
«Kesh jaryq, ınsta-dostar! Meniń alǵashqy jeke kontsertime kelińizder! Barlyǵyńyzdy asyǵa kútemin. Tek sizder úshin! Jiberip almańyzdar, keremet bolady. Úlken raxmet», - dep jazdy jas ónerpaz óziniń Instagramdaǵy paraqshasynda.
