Erjan Maksım qazaqstandyqtardy Jańa jylmen quttyqtady
NUR-SULTAN. QazAqparat - Qazaqstandyq jas ánshi Erjan Maksım qazaqstandyqtar men tyńdarmandaryn Jańa jyl merekesimen quttyqtady, dep habarlaıdy QazAqparat.
Quttyqtaý vıdeosyn ánshi óziniń Instagram jelisindegi resmı paraqshasynda jarııalady.
«Assalaýmaǵaleıkým, qurmetti ınstadostar! Barshańyzdy kelip jetken Jańa jyl merekesimen shyn júrekten quttyqtaımyn! Árqashan aman bolyńyzdar! Aspandaryńyz ashyq bolsyn! Elimiz aman, jurtymyz tynysh bolsyn! Erjannan jalyndy sálem Máskeýden», - dedi jas ánshi.
Sonymen birge, ánshi ózine qoldaý kórsetip júrgen jankúıerlerine alǵys aıtty.
Eske sala ketsek, 16 jeltoqsanda Erjan Maksım qazaqstandyqtardy Táýelsizdik kúnimen quttyqtap, Ulybrıtanııanyń London qalasynan sálem joldaǵan edi.
