Erjan Maksım «Golos.Detı» arnaıy shyǵarylymyna qatysady
NUR-SULTAN. QazAqparat - «Golos. Detı» shoýy altynshy maýsymynyń fınalısi, 12 jasar qazaqstandyq Erjan Maksım shoýdyń arnaıy shyǵarylymyna qatysady, dep habarlaıdy QazAqparat tilshisi.
Jobanyń arnaıy shyǵarylymy Reseıdiń Birinshi arnasynan 24 mamyr Máskeý ýaqytymen 21:30-da (Nur-Sultan ýaqytymen 25 mamyr 00:30-da) kórsetedi.
Shoýdyń kórermenderi «Golos. Detı» shoýynyń resmı YouTube-kanaly arqyly tikeleı efırge qosylyp, onlaın-rejimde súıikti oryndaýshylarynyń ónerin tamashalaı alady.
Erjan Maksım «Golos. Detı» shoýynyń fınalynda shyrqaǵan «All by myself» ánin oryndaıdy.
Budan buryn habarlanǵandaı, Reseıdiń Birinshi arnasy «Golos. Detı» baıqaýynyń altynshy maýsym nátıjesin qaıta qarap, joqqa shyǵardy.
«Golos. Detı» baıqaýynyń daýys berý nátıjelerine tekserý júrgizgen Group-IB kompanııasy qatysýshylardyń birine avtomatty túrde SMS-daýystar joldanǵanyn buǵan deıin tirkegen bolatyn.
Eske salsaq, 11 jastaǵy oraldyq ónerpaz Erjan Maksım atalmysh konkýrsta Valerıı Meladzeniń komandasynda óner kórsetip, ekinshi oryn ıelengen edi.
