Erjan Maksım: Armanym – Dımash Qudaıbergen men Andrea Bochellımen birge án salý
«Andrea Bochellımen birge án salǵym keledi. Basqa da ataqty adamdarmen, máselen Lara Fabıanmen, Selın Dıon men Dımash Qudaıbergenmen birge án aıtý – meniń armanym», - dedi ol mınıstr Aqtoty Raıymqulovamen kezdesken jıynda.
Óz kezeginde Mádenıet jáne sport mınıstri Erjan Maksımge aldaǵy ýaqytta da qoldaý kórsetiletinin atap ótti.
«Erjan oqýyn jalǵastyrady. Kásibı turǵyda da, tulǵa retinde jetile beredi. Adamnyń daýsynan-aq qandaı tulǵa ekenin ańǵarýǵa bolady. Kásibı tabysymen birge Erjan ǵylymdy da meńgerip, kóp oqyp, shynynda da myqty ánshi bola bersin dep tileımin», - dedi ol.
Eske sala ketsek, Polshada ótken «Junior Eurovision-2019» án baıqaýynda baq synaǵan qazaqstandyq Erjan Maksım ekinshi oryn alǵan bolatyn. QR Prezıdenti Qasym-Jomart Toqaev Erjan Maksımdi án baıqaýyndaǵy júldesimen quttyqtady.
Foto: admin.bugin.kz
