Prezıdent AQSh-pen kelissózder boıynsha ókilin taǵaıyndady

ASTANA. KAZINFORM - Erjan Qazyhanǵa AQSh-pen yntymaqtastyq boıynsha QR Prezıdenti Ókiliniń mindetteri júkteldi, dep habarlaıdy Aqordanyń baspasóz qyzmeti.

- Memleket basshysynyń ókimimen Jeneva qalasyndaǵy (Shveıtsarııa) Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstan Respýblıkasynyń Turaqty ókili Erjan Hozeuly Qazyhanǵa Amerıka Qurama Shtattarymen yntymaqtastyqtyń ózekti máseleleri boıynsha kelissózder protsesindegi Qazaqstan Respýblıkasy Prezıdenti Ókiliniń mindetteri júkteldi,-delingen habarlamada. 

Osyǵan deıin Izraıl tarapynyń bastamasymen Memleket basshysy Qasym-Jomart Toqaev Premer-mınıstr Bınıamın Netanıahýmen telefon arqyly sóıleskeni týraly jazdyq.