Erjan Qazyhan Jeneva qalasyndaǵy BUU janyndaǵy Qazaqstannyń Turaqty ókili boldy
ASTANA. KAZINFORM – Memleket basshysynyń Jarlyǵymen Erjan Qazyhan Jeneva qalasyndaǵy (Shveıtsarııa) Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstan Respýblıkasynyń Turaqty ókili laýazymyna taǵaıyndaldy. Bul týraly Aqordanyń baspasóz qyzmeti habarlady.
– Memleket basshysynyń Jarlyǵymen Erjan Hozeuly Qazyhan Jeneva qalasyndaǵy (Shveıtsarııa) Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstan Respýblıkasynyń Turaqty ókili laýazymyna taǵaıyndaldy, - delingen habarlamada.
Ol Qazaqstan Prezıdentiniń halyqaralyq máseleler jónindegi kómekshisi laýazymynan bosatyldy.
Erjan Qazyhan 1964 jylǵy 21 tamyzda Almaty qalasynda dúnıege kelgen.
1987 jyly Lenıngrad memlekettik ýnıversıtetin bitirgen. Tarıh ǵylymdarynyń kandıdaty. Dıplomatııalyq qyzmetin 1989 jyly Qazaqstan Respýblıkasy Syrtqy ister mınıstrliginiń Protokoldyq-saıası bóliminiń ekinshi hatshysy retinde bastady.
1992 jyly QR SІM Memlekettik protokol basqarmasynyń bólim meńgerýshisi, bastyǵynyń orynbasary bolyp taǵaıyndaldy.
1995 jyly Nıý-Iork qalasyndaǵy BUU janyndaǵy QR Turaqty ókildigine birinshi hatshy retinde jiberilip, odan ári keńesshi laýazymyna taǵaıyndaldy.
1999-2003 jyldary QR SІM Kópjaqty yntymaqtastyq departamentiniń dırektory qyzmetin atqardy.
2003-2007 jyldary QR Nıý-Iork qalasyndaǵy BUU janyndaǵy Turaqty ókili jáne Qazaqstan Respýblıkasynyń Kýba Respýblıkasyndaǵy Elshisi qyzmetin qosa atqarǵan.
2007-2008 jyldary Qazaqstan Respýblıkasy Syrtqy ister mınıstriniń orynbasary qyzmetin atqardy.
2008 jyly Qazaqstan Respýblıkasy Prezıdentiniń kómekshisi boldy.
2009-2011 jyldary Qazaqstannyń Aýstrııadaǵy Elshisi jáne Venadaǵy halyqaralyq uıymdar janyndaǵy Turaqty ókili boldy.
2011 jyly Qazaqstan Respýblıkasy Syrtqy ister mınıstriniń orynbasary boldy. 2
011-2012 jyldary Qazaqstan Respýblıkasynyń Syrtqy ister mınıstri qyzmetin atqardy.
2012-2014 jyldary Qazaqstan Respýblıkasy Prezıdentiniń kómekshisi boldy.
2014-2017 jyldary Qazaqstan Respýblıkasynyń Ulybrıtanııa jáne Soltústik Irlandııa Birikken Koroldigindegi Elshisi, sondaı-aq Qazaqstan Respýblıkasynyń Irlandııa Respýblıkasyndaǵy jáne Islandııa Respýblıkasyndaǵy Elshisi qyzmetin qosa atqarǵan.
2017 jyldan 2021 jylǵa deıin Qazaqstan Respýblıkasynyń Amerıka Qurama Shtattaryndaǵy Elshisi qyzmetin atqardy.
2021-2022 jyldar aralyǵynda Qazaqstan Respýblıkasy Prezıdentiniń halyqaralyq yntymaqtastyq jónindegi arnaıy ókili boldy.
2022 jyldan 2023 jylǵa deıin Qazaqstan Respýblıkasy Prezıdenti Ákimshiligi Basshysynyń orynbasary – Qazaqstan Respýblıkasy Prezıdentiniń halyqaralyq yntymaqtastyq jónindegi arnaıy ókili qyzmetin atqardy.
Jeneva qalasyndaǵy Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstan Respýblıkasynyń Turaqty ókili bolyp taǵaıyndalǵanǵa deıin 2023 jylǵy qyrkúıekten bastap Qazaqstan Respýblıkasy Prezıdentiniń halyqaralyq máseleler jónindegi kómekshisi boldy.
Tótenshe jáne Ókiletti Elshi dıplomatııalyq dárejege ıe.
Aǵylshyn jáne arab tilderin meńgergen.
«Eren eńbegi úshin» medalimen (2005), «Qazaqstan Respýblıkasynyń Táýelsizdigine 10 jyl» (2001), «Qazaqstan Respýblıkasynyń Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006), «Astananyń 10 jyldyǵy» (2008) mereıtoılyq medaldarymen marapattalǵan.