Erjan Erkinbaev qyzmetinen bosatyldy
ASTANA.KAZINFORM – Erjan Erkinbaev QR Týrızm jáne sport vıtse-mınıstri qyzmetinen bosatyldy. Bul týraly QR Premer-mınıstriniń baspasóz qyzmeti habarlady.
– Qazaqstan Respýblıkasy Úkimetiniń qaýlysymen Erjan Málikuly Erkinbaev basqa jumysqa aýysýyna baılanysty QR Týrızm jáne sport vıtse-mınıstri qyzmetinen bosatyldy, - delingen habarlamada.
Erjan Erkinbaev QR Týrızm jáne sport vıtse-mınıstri qyzmetine 2023 jyldyń qarasha aıynda taǵaıyndaldy.
Erjan Erkinbaev 1982 jyly Jambyl oblysynda dúnıege kelgen.
Qazaq memlekettik zań akademııasyn, Halyqaralyq bıznes akademııasyn támamdaǵan.
Eńbek jolyn 2002 jyly kommertsııalyq kompanııada zańger bolyp bastaǵan.
Túrli jyldary kommertsııalyq qurylymdarda zańger, atqarýshy dırektor, bas dırektor bolyp jumys istegen.
«Shymbulaq» taý shańǵysy kýrortynyń bas dırektory, «Medeý» sport kesheniniń bas dırektory qyzmetterin atqardy. VI shaqyrylymdaǵy Almaty qalalyq máslıhatynyń depýtaty boldy.
2016-2018 jyldary — Almaty memlekettik zoologııalyq parkiniń dırektory.
2019-2021 jyldary — «Kazakh Tourism» Ulttyq kompanııasy» AQ Basqarma tóraǵasynyń mindetin atqarýshy, basqarma tóraǵasy.
2021 - 2023 jyldary — QR Mádenıet jáne sport vıtse-mınıstri.