Erjan Erenqaıypov Islam Yntymaqtastyǵy oıyndarynyń kúmis júldegeri atandy

ASTANA. KAZINFORM – Saýd Arabııasynyń astanasy Ar-Rııad qalasynda ótip jatqan VI Islam Yntymaqtastyǵy oıyndarynda qazaqstandyq dzıýdoshy Erjan Erenqaıypov kúmis júldege ıe boldy.

Erler arasynda 66 kelige deıingi salmaqta ótken fınalda Erenqaıypov ózbekstandyq Zamýhshorı Bekmýrodovpen kúsh synasyp, tartysty beldesýde qarsylasyna jol berdi.

- Jarys barysynda Erjan Erenqaıypov 1/8 aınalymda Nıgerııa ókili Ismaıl Ál-Hasandy, shırek fınalda Ázerbaıjan sportshysy Rýslan Pashaevty, al jartylaı fınalda BAÁ dzıýdoshysy Narmandah Maıanbýhty utyp, sheshýshi kezeńge shyqqan bolatyn, - dep jazdy Sport komıtetinen.

Ókinishke qaraı, áıelder arasynda 52 kelige deıingi salmaqta beldesken Tolǵanaı Ábeýova qola medal úshin bolǵan kezdesýde Marokko sportshysy Sýmııa Iýarakıden jeńilip qaldy.

Aıta keteıik, 22 jasar qazaq konkıshi Qytaı ulttyq quramasy qataryna qosyldy.