Erjan Birjanov jemqorlardan tárkilengen qarajat jınaqtalatyn qorǵa qatysty túsinik berdi

ASTANA. KAZINFORM — Qarjy vıtse-mınıstri Erjan Birjanov qazir jemqorlardan tárkilengen qarajatty mektep qurylysy jobalaryn arnaıy komıssııa qarastyryp jatqanyn aıtty.

— Jalpy, 220 mlrd teńge somada qarajat arnaıy shotqa (Jemqorlardan tárkilengen qarajat jınaqtalatyn qor) tústi. Qazirgi kezde bul qarajat ınfraqurylym jobalaryna baǵyttalyp otyr. Ol jobalar tıisti komıssııada qaralady. Atap aıtqanda, bilim berý nysandaryna qatysty qujattar joldanyp jatyr, — dedi E. Birjanov Májilistiń jalpy otyrysynan keıin tilshiler suraǵyna jaýap bere otyryp.

Byltyr Premer-Mınıstrdiń orynbasary Tamara Dúısenova jemqorlyq qylmystar aıasynda tárkilenip, qaıtarylǵan qarajat esebinen 2023 jyly 36 mektep salynsa, 2024 jyly taǵy 25 mektep salynýy tıis ekenin aıtty.

Eske salaıyq, Memleket basshysy 2022 jyly 1 jeltoqsanda jarııalaǵan Joldaýynda: «Jemqorlardyń zańsyz tapqan qarjysy olar sottalǵan soń memleketke ótip, túgeldeı mektep qurylysyna jumsalýǵa tıis», — dep atap ótken bolatyn.