Erjan Birjanov jeke kásipkerlerdiń jappaı jabylatyndyǵyna qatysty aqparatty teriske shyǵardy
ASTANA. KAZINFORM — Qarjy vıtse-mınıstri Erjan Birjanov elimizde jeke kásipkerlerdiń jappaı jabylatyndyǵyna qatysty aqparatty teriske shyǵardy.
- Qazir kóptegen jeke kásipkerdiń jappaı jabylatyndyǵyna, ózge ıýrısdıktsııaǵa ótetindigine qatysty aqparat mol. Bul olaı emes. Ótken jyldyń derekterinen kerisinshe oń soldo kórip otyrmyz, jańadan 150 myń bıznes sýbektisi qosyldy. Máselen, 2023 jylmen salystyrǵanda 2024 jyly bul saldo tipti 50 myńnan da az boldy. ıAǵnı, qazir kerisinshe Jańa salyq kodeksi engizilgennen keıin jeke kásipkerler jabylyp jatqan joq. Qaıta olar kóptep ashylyp jatyr. Bul statıstıka, - dedi vıtse-mınıstr Májilistiń jalpy otyrysynan keıin BAQ ókilderine bergen suhbatynda.
Onyń atap ótýinshe, jeńildikpen jumys isteıtin bıznestiń bir bóligi jabylýy múmkin. Óıtkeni, bir bıznestiń janynda onyń QQS-ke ótýinen saqtandyratyn 2-3 jeke kásipkerlik bar.
- Dúken ne qandaı da bir nysan ıesi jumysshysynyń atynan jeke kásipkerlik ashady. Bulaı jasaý qajet emes edi. Óıtkeni, jeńildik qaǵıdatyn ózgerttik. Demek, buryndary jeńildik boıynsha QQS shegi – 20 myń eselengen AEK-ke deıin boldy jáne ol QQS tóleýshige aınalady. Bul bıznesti tolyqqandy júrgizý úshin negizgi kedergi edi. Qazir jeńildetilgen deklaratsııa boıynsha 2,5 mlrd teńgege deıin QQS tólemeısiń, - dedi Erjan Birjanov.
Buǵan deıin jeke kásipkerlerdiń arasynda 1 mln-ǵa jýyǵy ózderiniń aınalymyndaǵy qarajatty naqty kórsetpeı otyrǵanyn jazǵan edik.