Erjan Birjanov Qazaqstan munaıynyń Eýropaǵa tranzıti shektelgeni týraly: Bul resmı derek emes
ASTANA. KAZINFORM – Qarjy mınıstriniń orynbasary Erjan Birjanov Májilistiń jalpy otyrysynda depýtat Ermurat Bapıdiń saýalyna jaýap bere otyryp, Qazaqstan munaıynyń Eýropaǵa tranzıtine Máskeý shekteý qoıǵany týraly aqparatqa qatysy pikir bildirdi.
- Sizdiń munaı qubyry týraly kóterip otyrǵan suraǵyńyz áli resmı derek emes. Málimet aqparat alańynda paıda boldy. Ony áli tekserip, ýákiletti kelissózder júrgizý kerek dep esepteımin. Qandaı da bir pikir bildirýge áli erte dep oılaımyn, - dedi Erjan Birjanov.
Buǵan deıin Energetıka mınıstrligi de «Drýjba» munaı qubyry júıesi arqyly Germanııaǵa munaı tranzıtine qatysty BAQ-ta taraǵan aqparatqa túsinikteme bergen.
Aıta keteıik, Qazaqstanda munaı ónimderiniń aınalymyn tsıfrlyq baqylaýǵa kóshirý jumystary jalǵasyp jatyr. Bul týraly OKQ-da ótken brıfıngte QR Energetıka vıtse-mınıstri Baqytjan Іlııas málimdedi.
