Erjan Babaqumarov pen Arýjan Saın jetim balalarǵa arnalǵan mamandandyrylǵan ortalyqqa bardy
ALMATY. QazAqparat – Almaty qalasy ákiminiń orynbasary Erjan Babaqumarov, QR Bala quqyqtary jónindegi ýákil Arýjan Saın jáne qalalyq bilim basqarmasynyń basshysy Lázzat Jylqybaeva jetim balalarǵa arnalǵan mamandandyrylǵan «Januıa» keshenine bardy, dep habarlaıdy QazAqparat tilshisi.
«Januıa» mamandandyrylǵan kesheninde jetim jáne ata-anasynyń qamqorlyǵynsyz qalǵan balalar, oqytý men tárbıeleýde kelip-ketý rejımi ornatylǵan balalar jáne múmkindigi shekteýli balalar oqıdy.
Keshendi aralaý barysynda balalardyń turý jaǵdaıyn jaqsartý, sapaly oqytýdy qamtamasyz etý úshin oqý materıaldarymen jabdyqtaý máseleleri talqylandy. Mekeme tárbıelenýshileriniń durys tamaqtanýy máselelerine jeke nazar aýdaryldy.
Mekeme aýmaǵynda balalar men qyzmetkerlerdiń ınfektsııa juqtyrýyn boldyrmaý maqsatynda sanıtarlyq-epıdemııalyq talaptardyń saqtalýy jáne barlyq qajetti qorǵanys quraldarymen qamtamasyz etilýi tekserildi.
Jıyn qorytyndysy boıynsha ákimniń orynbasary Erjan Babaqumarov Bilim basqarmasy men mamandandyrylǵan mekeme basshylyǵyna «Januıa» kesheninde oqıtyn jetim jáne múmkindigi shekteýli balalardyń quqyǵyn qamtamasyz etý boıynsha naqty tapsyrmalar berdi.
