Erulan Jamaýbaev valıýta naryǵy týrasynda: dál qazir dúrliktirýge negiz joq

ASTANA. KAZINFORM — Valıýta naryǵyndaǵy jaǵdaıdy túzetýge yqpal etetin tetikter jetkilikti. Bul týraly Ulttyq bank tóraǵasynyń birinshi orynbasary Erulan Jamaýbaev málim etti.

Búgin Májilistiń jalpy otyrysynan keıin tilshiler dollar men teńge baǵamyna qatysty suraq qoıdy.

— Bul jaıynda resmı aqparat tarattyq. Dál qazir qandaı da bir dúrliktirip kerek emes. Sebebi qazirgi jaǵdaı ınvestorlardyń shetten kelip jatqan aqparatqa reaktsııasy dep túsinýge bolady. Bizdiń ekonomıkada da sheteldik ınvestorlar bar. Olar qundy qaǵazdar men basqa da qarjy tetikterine qarajat salady. Osy ınvestorlar bul týrbýlenttik jaǵdaıda qorqyp, keıbiri shyǵyp ketti. Sondyqtan osyndaı ózgerister bolyp jatyr. Degenmen, bizde tıisti tetikter jetkilikti. Kerek bolsa, ınterventsııa jasalar edi. Qazir Ulttyq bank tarapynan ınterventsııa jasalyp otyrǵan joq, — dedi Erulan Jamaýbaev.

Aıta keteıik, Ulttyq ekonomıka vıtse-mınıstri Arman Qasenov teńge baǵamyna áser etetin jaǵdaılardy atady. 

Budan buryn habarlanǵandaı, Ulttyq banktiń 9 sáýirge usynǵan resmı baǵamy — bir dollarǵa 518,57 teńge. Reseı rýbliniń ortasha saralanǵan quny — 6,05 teńge. Eýro — 566, 59.