Erulan Jamaýbaev shekaradaǵy ótkizý pýnkterin qaıta qurý jumystary týraly aıtty
«Qarjy mınıstrligi salyqtyq jáne kedendik ákimshilendirýdi odan ári jetildirý men tsıfrlandyrýdy jalǵastyratyn bolady. Bul keshendi sharalardy iske asyrýmen baılanysty. Birinshiden, táýekelderdi basqarý júıesinde jasandy ıntellekt qoldaný adamı faktordy boldyrmaýǵa jáne bıýdjetke túsetin túsimderdi ulǵaıtýǵa múmkindik beredi. Sondyqtan, jasandy ıntellektti jetildirýge erekshe kóńil bólinedi. Ekinshiden, iri salyq tóleýshilerdiń «Gorızontaldy monıtorıng» jobasyn barynsha keńeıtý. Jobanyń negizgi maqsaty - salyq tóleýshilerdiń táýekel operatsııalary men olardyń salyq zańnamasyn buzý týraly aqparattaryn salyq tóleýshilerdiń aqparattyq júıelerinde onlaın-qoljetimdilik ornatý arqyly ýaqytyly eskertý. Bul iri kásiporyndarǵa aıyppul salmaı taza jumys isteýine jáne shyǵyndaryn azaıtýǵa múmkindik beredi», - dedi E. Jamaýbaev Májilistegi Úkimet saǵatynda.
Mınıstr «Tıisti saqtyq» prıntsıpin jetildirýge toqtaldy. Bul bızneske josyqsyz kontragenttermen mámileler jasaý táýekelin boldyrmaýǵa kómektesedi. Sondyqtan, osy baǵytta mınıstrlik «Atameken» ulttyq kásipkerler palatasymen yntymaqtasa otyryp, jumys isteıdi.
«Ekonomıkalyq yntymaqtastyq jáne damý uıymy jáne Ulttyq bankpen elektrondyq málimetter almasý aıasynda, salyq salý maqsatynda, Qazaqstan azamattarynyń qarjylyq shottary boıynsha EYDU-ǵa kiretin 100-den astam sheteldik ıýrısdıktsııalarda aqparat almasa alamyz», - dedi vedomstvo basshysy.
Sonymen qatar ol kedendik ınfraqurylymdy jańǵyrtý jáne transshekaralyq saýdany baqylaýdy kúsheıtýge toqtaldy.
«Aldynda aıtyp ótkendeı, 10 ótkizý pýnktin qaıta qurý/jańǵyrtý jumystary bastaldy. Ony 2024 jylǵa deıin aıaqtaý josparlanýda. Nátıjesinde, bizde zamanaýı standarttarǵa tolyq jaýap beretin ótkizý pýnktteri bolady.
Jaqynda zańsyz saýda aınalymymen kúresýge jáne kedendik ákimshilendirýdi jetildirýge baǵyttalǵan memlekettik shekarada zańsyz saýda aınalymyna qarsy is-qımyldyń keshendi jospary qabyldandy», - dedi E. Jamaýbaev.
