Erulan Jamaýbaev QR Prezıdentiniń keńesshisi laýazymyna taǵaıyndaldy
ASTANA. KAZINFORM – Memleket basshysynyń ókimimen Erulan Kenjebekuly Jamaýbaev Qazaqstan Respýblıkasy Prezıdentiniń keńesshisi laýazymyna taǵaıyndaldy.
Bul týraly Aqordanyń baspasóz qyzmeti habarlady.
Erulan Kenjebekuly Jamaýbaev 1974 jyly 25 naýryzda Almaty oblysynda týǵan. Bilimi joǵary, 1995 jyly Qazaq memlekettik basqarý akademııasyn, «Qarjy jáne kredıt», 2009 jyly Qazaq ekonomıkalyq ýnıversıtetin bitirgen, «Іskerlik ákimshilendirý magıstri».
Úılengen, úsh bala tárbıelep otyr.
Memlekettik nagradalary:
«Eren eńbegi úshin» medali, «Qurmet» ordeni.
Medaldary:
«Qazaqstan Respýblıkasynyń táýelsizdigine 20 jyl», «Teńgege 20 jyl», «Astanaǵa 20 jyl» mereıtoılyq medaldary.
«Ulttyq Banktiń eńbek sińirgen qyzmetkeri» belgisi.
Eńbek jolyn 1996-1998 jyldary – Qazaq memlekettik basqarý akademııasynyń oqytýshysy bolyp bastaǵan.
1998-2006 jyldary – Qazaqstan Respýblıkasy Ulttyq banki Zertteýler jáne statıstıka departamentiniń jetekshi sarapshysy, bas sarapshysy, bas maman-sarapshysy, basqarma bastyǵy, dırektor orynbasary;
2006-2014 jyldary – Qazaqstan Respýblıkasy Ulttyq bankiniń Úılestirý departamentiniń dırektory.
2014-2015 jyldary – «Qazaqstannyń turǵyn úı qurylys banki» AQ-nyń basqarýshy dırektory.
2015 jylǵy shilde men qarasha aralyǵynda – Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary.
2015 jylǵy qarasha men 2018 jylǵy qarasha aralyǵynda -Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıng bóliminiń meńgerýshisi.
2018 jylǵy qarasha men 2019 jylǵy naýryz aralyǵynda Qazaqstan Respýblıkasy Prezıdentiniń Kómekshisi.
2019 jyldyń naýryz aıynan bastap - Qazaqstan Respýblıkasy Qarjy mınıstrliginiń jaýapty hatshysy boldy.
2020 jyldyń 18 mamyrynan beri QR Qarjy mınıstri qyzmetin atqaryp keldi.
2022 jyly QR Premer-Mınıstriniń orynbasary – Qarjy mınıstri qyzmetine taǵaıyndaldy.
