Erulan Jamaýbaev qarjyny ıgermegen mınıstrlikter men óńirlerdi atady

NUR-SULTAN. QazAqparat – Memlekettik bıýdjettiń shyǵystary 91 paıyzǵa atqaryldy. Bql týraly Úkimet otyrysynda QR Qarjy mınıstri Erulan Jamaýbaev bıylǵy qańtardaǵy memlekettik bıýdjettiń atqarylý kórsetkishterin baıandaý kezinde málim etti, dep habarlaıdy QazAqparat tilshisi.

«Memlekettik bıýdjettiń shyǵystary 91 paıyzǵa, respýblıkalyq bıýdjettiń shyǵystary – 94,4 paıyzǵa, jergilikti bıýdjetterdiń shyǵystary 80,6 paıyzǵa atqaryldy», - dedi mınıstr.

Onyń aıtýynsha, respýblıkalyq bıýdjet boıynsha 1 trln 212 mlrd teńgege somasyna shyǵystar júrgizildi. Oryndalmaý 72 mlrd teńgeni qurady, onyń ishinde únemdeý - 7 mlrd teńge. Igerilmeý somasy - 65 mlrd teńge.

Igerilmeýdiń neǵurlym iri somalary kelesi ortalyq memlekettik organdarda qalyptasty: Qarjy, Tsıfrlyq damý, ınnovatsııalar jáne aeroǵarysh ónerkásibi, Tótenshe jaǵdaılar, Bilim jáne ǵylym jáne Mádenıet jáne sport mınıstrlikteri.

Igerilmeýdiń negizgi sebepteri: tólem jónindegi qujattardy uzaq kelisý, oryndalǵan jumystar aktilerin ýaqtyly usynbaý, naqty kórsetilgen qyzmetter kólemi, sharttar men qosymsha kelisimderdi qazynashylyq organdaryna tirkeýge kesh usyný.

«Jergilikti bıýdjetterdiń shyǵystary 203 mlrd teńgeni qurady. Atqarylmaǵany - 49 mlrd teńge. Bıyl óńirlerge 1,9 trln teńge somasynda nysanaly transfertter kózdelgen.

Olarǵa 1 aqpandaǵy jaǵdaı boıynsha 32 mlrd teńge bólingen.

Olardyń 79,3 paıyzy ıgerilgen. Atqarylmaǵany – 6 mlrd teńge, onyń ishinde 2 mlrd teńge – únemdeý, 4 mlrd teńge ıgerilmedi. Neǵurlym kóp ıgerilmeý kelesi óńirlerde: Batys Qazaqstan, Jambyl oblystarynda, Nur-Sultan qalasynda, Aqmola jáne Atyraý oblystarynda qalyptasty», - dedi E. Jamaýbaev.