Erulan Jamaýbaev: Bankrottyq - ıgilik emes

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev qazaqstandyqtardyń jeke tulǵa bankrottyǵyn rásimdeýge qatysty suraqtaryna jaýap berdi, dep habarlaıdy QazAqparat tilshisi.

«Jeke tulǵalardyń bankrottyǵyn boıynsha alǵa jyljý bar ma? Qazaqstandyqtar qanshalyqty qyzyǵýshylyq tanytyp jatyr?», - dep surady jýrnalıst.

Erulan Jamaýbaevtyń aıtýynsha, qazir mınıstrlik mamandary bankorttyqtyń saldarynan týyndaıtyn shekteýlerdi túsindirýge kóp kóńil bólip jatyr.

«Qozǵalys bar. Kún saıyn túrli alańdarda túsindirý jumystaryn júrgizýdemiz. Arnaıy medıa-josparymyz bar. Bankrottyq degen ıgilik emes. Bul – kezinde qabyldanǵan sheshimderdiń saldary ǵana. Qazir biz tólem qabiletin jaqsartýǵa barǵan durys ekenin, bankrottyqa jetkizbeý qajettigin túsindirip jatyrmyz. Degenmen árkimniń basynda túrli jaǵdaı bolady. Sondyqtan búkil joldardy qaradyq. Sottan tys, sot arqyly bankrottyq rásimdeý, tólem qabiletin arttyrý joldary bar», - dedi mınıstr.

Buǵan deıin aıtylǵandaı bankrottyq rásimdegen azamattarǵa 3 jyl qarjylyq monıtorıng júrgiziledi.