Erulan Jamaýbaev «Balalarǵa arnalǵan ulttyq qor» jobasyn jete pysyqtaýdy tapsyrdy

ASTANA. QazAqparat - Búgin Premer-Mınıstrdiń orynbasary – qarjy mınıstri Erulan Jamaýbaev elimizdiń áleýmettik-ekonomıkalyq damýyna arnalǵan keńes ótkizip, «Balalarǵa arnalǵan ulttyq qor» jobasyn egjeı-tegjeıli pysyqtaýdy tapsyrdy.QazAqparat bul týraly primeminister.kz saıtyna silteme jasap.

Keńeske Qarjy, Ǵylym jáne joǵary bilim, Indýstrııa jáne ınfraqurylymdyq damý, Ulttyq ekonomıka mınıstrlikteriniń ókilderi men Respýblıkalyq bıýdjettiń atqarylýyn baqylaý jónindegi esep komıtetiniń, Strategııalyq josparlaý jáne reformalar agenttiginiń, «Samuryq-Qazyna» AQ, «Qazaqstan temir joly» UK» AQ, «Ekonomıkalyq zertteýler ınstıtýty» AQ ókilderi qatysty.

Otyrysqa qatysýshylar Memleket basshysynyń tapsyrmasyn iske asyrýdy talqylady. Sondaı-aq memlekettik shyǵyndardyń áleýmettik-ekonomıkalyq áserin taldaý ádistemesi jáne «Balalarǵa arnalǵan ulttyq qor» jobasyn iske qosý máselesi qaraldy.

Jıyndy qorytyndylaı kele, E. Jamaýbaev memlekettik shyǵyndardyń áleýmettik-ekonomıkalyq áserin taldaý boıynsha jumysty jalǵastyrýdy jáne «Balalarǵa arnalǵan ulttyq qor» jobasyn iske asyrý tetigin egjeı-tegjeıli ázirleýdi tapsyrdy.

Foto: primeminister.kz