Erulan Qabdýlov MMA-den eki dúrkin álem chempıony atandy

ASTANA.KAZINFORM – Qazaqstan quramasy Grýzııa astanasy Tbılısıde ótken aralas jekpe-jekpekten (MMA) álem chempıonatynda 12 medal jeńip aldy.

Qazaqstan Birikken MMA Federatsııasy habarlaýynsha, baıraqty básekede qazaqstandyq sportshylar 2 altyn, 1 kúmis jáne 9 qola medal jeńip alyp, jalpykomandalyq esepte ekinshi oryn aldy.

Erler arasynda 52,2 kelide jarys jolyna shyqqan Erulan Qabdýlov aqtyq synda IMMAF nusqasy boıynsha reıtıngte kósh bastap turǵan Tájikstan balýanynan basym tústi.

Aıta keterligi, bul Erulannyń MMA-den álem chempıonatynda jeńip alǵan ekinshi altyny. Buǵan deıin ol dál osy salmaqta 2024 jyly Tashkentte (Ózbekstan) ótken álem birinshiliginde top jarǵan.

Odan bólek, Qazaqstan qorjynyna taǵy bir altyndy Jaqsybek Aımahanov saldy. 83,9 kelide synǵa túsken ol barlyq jekpe-jekterin merziminen buryn aıaqtap, álem chempıony ataǵyn ıelendi.

Kúmis medaldi Dosjan Esbol, qola júldeni Ábilmansur Jeksenbaı, Marat Áshimtaev, Erkebulan Begasyluly, Dmıtrıı ıArkov jáne Dıas Ósker ıelendi.

Qyzdar arasynda Matılda Bachýrına, Adel Mahmetova, Móldir Áshirbekova jáne Dıana Ahmetova qola medal enshiledi.

Osyǵan deıin habarlaǵanymyzdaı, Shavkat Rahmonovtyń bapkeri onyń UFC-den ketetini týraly qaýesetke jaýap berdi.