Ertýǵan Zeınýllınov bokstan Astanadaǵy Álem kýbogynyń 1/4 fınalyna shyqty

ASTANA. KAZINFORM - Ertýǵan Zeınýllınov (65 keli) bokstan Astanadaǵy Álem kýbogy kezeńiniń 1/4 fınalyna shyqty. 

Otandasymyz 1/8 fınalda túrkııalyq Ahmet Pekelmen ózara myqtyny anyqtady. Nátıjesinde Ertýǵan Zeınýllınov aıqyn basymdyqpen jeńiske jetti.

Qazirge deıin el quramasynan búgin, 2 shildede Nazym Qyzaıbaı (48 keli), Alýa Balqybekova (51 keli), Sanjar Táshkenbaı (50 keli), Bekzad Nurdáýletov (85 keli), Vıktorııa Grafeeva (60 keli), Aıda Abıkeeva (65 keli) jarysty jalǵastyrýǵa múmkindik aldy.

Al Gúlsaıa Erjan (80 keli) alǵashqy jekpe-jeginde jeńilip qaldy.

Endi el quramasynan Saǵyndyq Toǵambaı ( 90 keli) saıysqa túsedi.

Álem kýbogyna 30 elden 300-ge jýyq boksshy qatysyp jatyr. Bul Olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.