Ertýǵan Zeınýllınov Azııa chempıonatynda jartylaı fınalǵa shyqty

World Boxing aıasynda Mońǵolııa astanasy Ulanbatyr qalasynda ótip jatqan qurlyqtyq dodada otandasymyz qyrǵyzstandyq Mırzohıd Imamnazarovpen sheberlik baıqasty.

Jekpe-jek barysynda qazaqstandyq boksshynyń basymdyǵy baıqaldy. Alǵashqy eki raýnd Ertýǵannyń basymdyǵymen aıaqtaldy. 

Otandasymyz soqqy almasý barysynda dáldik tanytyp, ár raýndta basymdyǵyn tanytyp otyrdy. Qorytyndy esep - 3:2.

Endi Ertýǵan jartylaı fınalda Taıland sportshysy Býnjong Sınsırımen aıqasady.

Ertýǵan budan buryn 1/8 fınalda Taıpeı ókili ıÝ Lındi qapy qaldyrdy.

Aıta ketsek, búgin Sanjar Táshkenbaı (50 keli) shırek fınalda úndistandyq Vıshvanash Sýreshke ese jiberip, qurlyqtyq dodada júldesiz qaldy. 

Al búgin Orazbek Asylqulov (60 keli) Azııa chempıonatynda japonııalyq Shýnsýke Kıtamotomen kezdesýi kerek edi. Alaıda qarsylas jaraqatyna baılanysta sharshy alańǵa shyqpaıtyny belgili boldy. Osylaısha Orazbek jartylaı fınalǵa ótti.

Endi keshki sessııada tórtinshi jupta Valentına Halzova (75 keli) Ońtústik Koreıa ókili Sýıeon Seong, toǵyzynshy jupta Aıbek Oralbaı (90 keliden joǵary) ózbekstandyq Arman Mahanovpen kezdesedi.

Azııa chempıonatynda erler quramasy sapynda Sanjardan ózge Mahmud Sabyrhan (55 keli), Orazbek Asylqulov (60 keli), Ertýǵan Zeınýllınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) baq synap jatyr.

Sondaı-aq Laýra Esenkeldi (65 keli) úndistandyq Ankýshıta Boroǵa ese jiberip, jarys jolyn shırek fınalda aıaqtaýǵa májbúr boldy. 

Oǵan deıin áıelder quramasynan Jazıra Oraqbaeva (51 keli, Elına Bazarova (54 keli), Rımma Volosenko (60 keli) jarys jolynan shyǵyp qaldy.

Eldos Saıdalın jetekshiligimen qurlyqtyq dodaǵa elimizden ááıelder quramasynda Laýra, Rımma, Jazıra men Elınadan ózge Áıgerim Sáttibaeva (48 keli), Uljan Sársenbek (57 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) el namysyn qorǵaýǵa múmkindik aldy.

Qurlyqtyq doda 10 sáýirge deıin sozylady.