Ertiste muz jarý jumystary: 9360 sharshy metr aýmaq tazartyldy
ASTANA. KAZINFORM — Abaı oblysynda kóktemgi muz júrý kezeńinde muz keptelisteriniń túzilýine jol bermeý úshin Ertis ózeninde profılaktıkalyq jarý jumystary júrgizildi, dep habarlaıdy TJM baspasóz qyzmeti.
Vedomstvo deregine sáıkes, 9360 sharshy metr aýmaqta muz jarý jumystary oryndaldy.
— Іs-sharalardyń negizgi maqsaty — muz massalarynyń erkin ótýin qamtamasyz etý jáne keptelis qaýpin azaıtý úshin muz jabynyn bosańsytý. Jumystardy júrgizýge Tótenshe jaǵdaılar departamentiniń, Polıtsııa departamentiniń, sondaı-aq jergilikti atqarýshy organdardyń kúshteri men quraldary jumyldyryldy, — deıdi mamandar.
Qaýipsizdik maqsatynda jumys júrgizý aımaǵynda baqylaý jáne qoljetimdilikti shekteý boıynsha qajetti sharalar uıymdastyryldy.
Osyǵan deıin Ertis boıyndaǵy muz ótkelderi qashan ashylatynyn jazǵan bolatynbyz.