Ertis jaıylmasynda bılep júrgen tyrnalar kózge tústi
PAVLODAR. KAZINFORM — Ormanshylardyń aıtýynsha, Ertis ańǵaryna byltyrǵy tyrnalar qaıta oralǵan. Bul qubylys orman arasynyń ań-qus úshin qaýipsiz bola túskenin bildiredi.
Ertis ózeniniń jaıylmasyndaǵy ormandar arasynda tyrnalar juby beınejazbaǵa túsip qaldy. Vıdeodan tyrnalar ózderin qaýipsiz sezinip, sekeńdep bılep júrgenin kórýge bolady.
— Ormanshylarymyzdyń aıtýynsha, bul qustar byltyr da dál osy jerdi mekendep, jazdy ótkizgen. Keıin jyly jaqqa ushyp ketipti. Kún jylynǵan soń oralyp otyrǵany osy. Ertis ózeni jaıylmasynda sońǵy jyldary ań-qustardyń belgili bir aýmaqty mekendep, sol jerge uıa salatyndary baıqalyp júr. Bul — jaıylma men Ertis ózeni qaýmalynyń qaýipsiz ári jaıly bola túskenin bildiredi, — deıdi Pavlodar orman jáne janýarlar dúnıesin qorǵaý mekemesiniń basshysy Ajdar Júsipov.
Buǵan deıin Ertis ormanyna túlkiler qaıta oralyp jatqanyn jazǵanbyz.
