Ertis jaıylmasynda balyqtar qyrylyp jatyr

Áleýmettik jelide Ertis ózeniniń jaıylmasynda balyqtardyń jappaı qyrylyp jatqany týraly vıdeo paıda boldy.

Jaıylmadaǵy toǵaı arasynda jas shortandardyń jerde jýsap jatqanyn kórýge bolady. Beınejazba avtorlarynyń aıtýynsha, ol Ertis aýdanynyń Peschanoe dep atalatyn kólinde túsirilgen. 

- Bıyl Ertiske jiberilgen sý jyldam qaıtyp ketýiniń saldarynan bul jerdegi sý kóp turaqtamaı, qurǵap qalǵan. Saldarynan qanshama balyq qyrylyp jatyr. Úlken sý izdegen balyqtar ózderi qalyp qoıǵan shuńqyrlardan sekirip, qurǵaq jerde ólip jatyr. Aýmaqty jaǵymsyz ıis basyp tur, - dep baıandaıdy vıdeo avtorlary.

Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynyń bólimi basshysy Jasulan Jumashevtiń aıtýynsha, oqıǵa Ertis aýdanynyń Isa Baızaqov aýyldyq okrýgi aýmaǵynda bolǵan.

- Qazirgi ýaqytta balyqtardyń qyrylý oqıǵasy boıynsha arnaıy komıssııa quryldy. Alaıda bizdiń jibergen 2 kóligimiz ol jerge jetpeı, jolda turyp qaldy. Sebebi jaıylma áli keppegen, batpaq. Aýyldyq okrýig ákiminiń sózinshe, balyqtardyń qyrylýy jyl saıyn qaıtalanatyn tabıǵı qubylys kórinedi. Ertis ózeniniń tasýynan kóktemde jaıylmada kólshikter paıda bolady. Al sý qaıtqanda balyqtardyń biraz bóligi qurǵaqta qalyp qoıady. Sebebi ózen jaqtyń jer bederi bıik, sý jyldam qaıtady, balyqtar artqa qaıta almaıdy, - dep túsindirdi basqarma ókili.

Mamandar balyqtardyń qyrylý deregin tirkegenimen, sý janýarlary álemine kelgen shyǵyndy ázirshe aıta almaıtyndaryn jetkizdi. Sebebi komıssııa músheleri tek erteń barady.

Odan soń shyǵynnyń kólemi anyqtalyp, ólgen balyqtardan synama alynady. Qyrylǵan balyqty jınap, veterınarlarmen aqyldasa otyryp joıý jumystary júrgiziledi. 

- Bul - Ertis ózenine qarasty jaıylmalardaǵy balyqtardyń jappaı qyrylýy emes. Odan soraqy jaǵdaılar bolǵan Máselen, 2021 jyly balyqtar aýa jetispeýshiliginen kóp qyrylǵan edi. Mundaı tabıǵı ólý derekteri bolyp turady, - dep qosty maman.

Al Sý resýrstary komıtetiniń sý resýrstaryn paıdalaný jáne qorǵaý jónindegi «Ertis» basseındik ınspektsııasy basshysynyń orynbasary Eleýsiz Qambarovtyń pikirinshe, balyqtardyń qyrylýyna Ertis ózenine jiberilgen sýdyń eshqandaı qatysy joq. Jelbezekti tirshilik ıeleri kólshikterde qysta qalyp qoıyp, muzdyń qalyń qatýy men aýa jetispeýshiliginen ólip qalýy ábden múmkin.

- Jaıylma aýmaǵynyń barlyǵy tolǵan kólshikter. Olardyń tereńdigi ary ketse 1-1,5 metrden aspaıtyny belgili. Al bizdiń jaqta qysqy aıazda qalyńdyǵy 2-3 metrge deıin muz qatady. ıAǵnı álgindeı kólshikterde qalyp qoıatyn balyqtardyń tiri qalýyna múmkindik joq degen sóz. Bizdińshe bul balyqtar byltyr kólshikterdi mekendep qalyp, qysta qyrylǵan. Al sý tasyǵanda osyndaı jyralarǵa aǵyp shyqqan. Mundaı tabıǵı bıologııalyq protsess kóp jerde kezdesedi, - deıdi ol.

Eske sala keteıik, buǵan deıin mamandar Ertis deńgeıi ne sebepti tómendegenin túsindirgen edi.