Ertis jaıylmasynda aǵashty zańsyz keskender ustaldy
PAVLODAR. KAZINFORM - Aqsý qalasynyń 5 turǵyny Ertis ózeniniń jaıylmasynda zańsyz aǵash kesýmen aınalysqan.
Ertis ózeni jaıylmasyndaǵy orman-toǵaıdan aǵash kesýge tyıym salynǵanyna qaramastan, zańdy belden basý derekteri tyıylmaı tur. Tártip saqshylary Aqsý qalasynyń 5 turǵynyn qylmys ústinde ustady. Olar jaıylmadaǵy saý aǵashtardy otap, kólikke tıep áketpek bolǵan.
- Aǵashtar men butalardy zańsyz kesý, joıý nemese búldirý deregi boıynsha qylmystyq is qozǵaldy. Tıisti saraptamalar taǵaıyndaldy. Bul áreketteri arqyly azamattar qorshaǵan ortany jáne orman resýrstaryn qorǵaý salasyndaǵy zańnamany buzyp otyr. Mundaı zańsyzdyqtar óńirdiń ekojúıesine eleýli zııan keltiredi, - dep habarlady Pavlodar oblysy polıtsııa departamentinen..
Tártip saqshylary bolǵan oqıǵanyń barlyq mán-jaılaryn anyqtaý, sondaı-aq zańsyz qyzmettiń ózge de yqtımal qatysýshylary men uıymdastyrýshylarynyń jolyn kesý jónindegi jumysty jalǵastyrýda.
Eske sala keteıik, Ertis ormandarynda jańa qus túrleri anyqtaldy.