Ertis tabıǵaty tańǵaldyrýdan jalyqpaıdy: orman ishinde bulan vıdeoǵa túsip qaldy
PAVLODAR. KAZINFORM — Pavlodar oblysy aýmaǵynda bulandardyń kóbeıýi baıqalyp otyr. Sońǵy málimetter boıynsha óńirde 300-ge jýyq bulan sanalǵan.
Bulandardyń turaqty mekenine aınalǵan — Ertis ormany rezervatynda jabaıy janýarlar kadrǵa jıi iligip júr. Ormanshylardyń biri tirshilik ıesin qalta telefonynyń kamerasyna túsirip alǵan.
— Orman ishinde tabıǵattyń naǵyz ıesi bulandy kezdestirýge jáne ony smartfonǵa túsirip alýǵa múmkindik týdy. Osyndaı kútpegen kezdesý bizge jabaıy tabıǵattyń qanshalyqty baı ári tańǵajaıyp ekenin taǵy bir eske salady. Keıde ádemi kadr túsirý úshin dál kerek ýaqytta, kerek jerde bolýdyń ózi jetkilikti, — dep habarlady rezervattan.
Tuıaqty janýarlar oblysta Baıanaýyl ulttyq parki men Ertis ormany aýmaǵynda kóbeıip, búginde jalpy sany 300-ge jýyqtaǵan. Aşylaýyt, qamysty, qoǵaly jerlerge jaıylǵandy unatady. Janýarlardyń bulshyq eti jaqsy damyǵan, óte áleýetti janýar. Salmaǵy 800 kılogramǵa deıin tartady. Aıbarly janýarlar qasqyrǵa aldyrmaıdy. Kóbine saıaq júrip jaıylady.
Bulandar Baıanaýyl ormandarynda da kózge túsken edi.
Al jýyqta Baıanaýyl taýlarynda erkin júrgen arqarlar vıdeoǵa túsip qaldy.
