Ertis ózeniniń jaıylmasy órtenip jatyr
PAVLODAR. KAZINFORM - Ózen jaıylmasynyń Pavlodar qalasyna jaqyn mańdaǵy aýmaqtary janyp jatyr. Tótenshe jaǵdaılar departamenti órttiń 40 gektar jerde oqshaýlanǵanyn málimdedi.
Ertis ózeniniń jaıylmasynda qurǵaq shóptiń órtenip, órt sóndirý jumystary júrgizilip jatyr,
- 13 qyrkúıekte Pavlodar oblysynyń tótenshe jaǵdaılar departamentine Ertis ózeniniń jaıylmasynda qurǵaq shóptiń órtenýi týraly habarlama kelip tústi. Oqıǵa ornyna Pavlodar oblysy tótenshe jaǵdaılar departamentiniń kúshteri men quraldary, Zarıa jáne Novoıamyshev aýyldaryndaǵy «Aýyl qutqarýshylary» beketteriniń qyzmetkerleri, sondaı-aq Pavlodar oblysynyń ormandar men janýarlardy qorǵaý mekemesiniń kúshteri jumyldyryldy, - dep habarlady óńirlik tótenshe jaǵdaılar departamentinen.
Qazirgi ýaqytta órt eki bólek oshaqta oqshaýlanǵan. Órtengen aýmaqtyń jalpy kólemi shamamen - 40 gektar.
Órtti sóndirý jumystaryna 33 adam men 11 birlik tehnıka tartylǵan.
Eske sala keteıik, SQO-da 25 gektar jerdegi qurǵaq shóp órtendi.
