Ertis ózenine jiberiletin sýdyń kólemi byltyrǵydan az bolady

PAVLODAR. KAZINFORM - Abaı oblysyndaǵy Shúlbi sý qoımasy búginde 80%-ǵa ǵana tolyp tur. Bul Ertiske jiberiletin sý kóleminiń azaıýyna yqpal etýi múmkin.

Ertis ózenine kóktemgi sý jiberýdiń jospary men merzimderin belgileıtin vedomstvoaralyq komıssııanyń otyrysy sáýir aıynyń 8-9 kúnderine belgilengen. Deı turǵanmen bıyl Shyǵys Qazaqstandaǵy sý qoımalarynyń tolý deńgeıi kóńilden shyqpaı otyr.

- Bıyl Ertiske bosatylatyn sýdyń kólemi byltyrǵydan az bolatyny qazirden belgili. Shamamen 6 mlrd tekshe metrdeı bolyp qalar. Sebebi negizgi sý jiberiletin Shúlbi sý qoımasynda jınalǵan sýdyń jaǵdaıy máz emes. Qoımanyń 80%-y ǵana tolǵan. Al sý bosatý is-sharasyn júrgizý úshin deńgeıi 100%-ǵa jaqyndaýy kerek. Atalǵan gıdrotehnıkalyq qurylys ózenge sý bosatý kezinde mańyzdy ról oınaıdy. Sebebi bul ýaqytta aǵystyń jyldamdyǵy sekýndyna 3,5 myń tekshe metrge jetýi kerek. Al Buqtyrmada aǵyp shyǵatyn sýdyń ekpini odan báseń, shamamen 1000 tekshe metrdeı bolyp qalady,-deıdi Sý resýrstary komıtetiniń sý resýrstaryn paıdalaný jáne qorǵaý jónindegi «Ertis» basseındik ınspektsııasy basshysynyń orynbasary Eleýsiz Qambarov.

Mamannyń túsindirýinshe, buǵan birneshe faktor sebep bolyp otyr. Birinshiden, qoımada jınalǵan sýdyń kólemi jetkiliksiz bolsa, ekinshiden, byltyr kúzde ylǵal az tústi. Al qystaı jaýǵan qardan ylǵal mol jınalǵanymen topyraqta qatqan tońnyń juqa bolýy teris áser etken. ıAǵnı, jazǵyturym jer tez jibip, saı-saladan aqqan sýdyń kóp bóligi qoımaǵa jetpeı jolaı topyraqqa sińip jatyr.

Ózen boıynda qazirgi ýaqytta muzdardyń sógilý protsesi bastaldy. Shamamen 5-10 sáýir aralyǵynda seń júredi dep kútilýde. Seń júrip ótken soń birden sý bosatý sharalary júzege asady. Joǵaryda aıtqandaı, onyń kólemi men merzimin vedomstvoaralyq komıssııa belgileıdi.

Eleýsiz Qambarov atalǵan kólem tek boljam ekenin aıtyp ótti. Sý jiberýdiń jyldamdyǵy joǵary bolsa, jaıylymdy sý basý kólemi byltyrǵydan asyp ketýi múmkin.

Eske sala keteıik, keıingi 11 jylda byltyr alǵash ret Ertis jaıylmasynyń 90 paıyzyn sý basqan. 

Al «Ertis» basseındik ınspektsııasynyń mamandary bıyl ózen jaıylmalarynyń 80%-dan astamyn sýlandyrýǵa múmkindik bar ekenin aıtqan edi.