Ertis ózenine Shúlbi sý qoımasynan 6,4 mlrd tekshe metrden astam sý jiberildi
ASTANA. KAZINFORM — Sý resýrstary jáne ırrıgatsııa mınıstrligi Abaı oblysyndaǵy Shúlbi sý qoımasynan tabıǵatty qorǵaý maqsatyndaǵy sý jiberý jumystaryn aıaqtady.
Vedomstvo málimetinshe, bul shara Ertis ózeni basseıniniń ekojúıesin saqtaý men qoldaýǵa baǵyttalǵan.
27 táýlikke sozylǵan sý jiberý kezeńiniń qorytyndysy boıynsha sý qoımasynan 6,4 mlrd tekshe metrden astam sý aǵyzyldy. Onyń ishinde eń joǵary kólemi 8 táýlik boıy jiberildi. Onyń kólemi — sekýndyna 3400-3500 tekshe metr.
Qazir Pavlodar oblysynda Ertis ózeniniń jaıylma alqaptaryn sýlandyrý jumystary jalǵasyp jatyr. Búginde sýlandyrylǵan aýmaq kólemi 257,2 myń gektarǵa jetip, jalpy josparlanǵan aýmaqtyń shamamen 76 paıyzyn qurady.
— Shúlbi sý qoımasynan tabıǵatty qorǵaý maqsatynda sý jiberý jumystary jyl saıyn júrgiziledi. Bul balyqtardyń ýyldyryq shashýyna qolaıly jaǵdaı jasaýǵa, jaıylma alqaptardy sýlandyrýǵa jáne Pavlodar oblysyndaǵy aýyl sharýashylyǵynyń mal azyǵy qoryn saqtaýǵa múmkindik beredi, — dedi Ertis basseındik sý ınspektsııasynyń basshysy Medet Jádigeruly.
Budan buryn Ertis ózeninde kemeler qashan qatynaı bastaıtynyn jazdyq.
