Ertis ózenine shomylyp júrgen jas jigit sýǵa batyp ketti
PAVLODAR. KAZINFORM – Qazirgi ýaqytta qutqarýshylar sý astynan jigittiń múrdesin izdep jatyr. Ol ózenniń arnaıy jabdyqtalmaǵan tusynda sýǵa túsken.
Bul týraly Pavlodar oblysy tótenshe jaǵdaılar departamentiniń baspasóz qyzmeti habarlady.
«10 maýsym kúni saǵat 14.30-da Ertis ózeniniń Pavlodar qalasy Kenjekól kenti mańynda er adam sýǵa batyp ketti. Ol shomylýǵa arnaıy jabdyqtalmaǵan jerde sýǵa túsken. Jas jigit 1999 jyly týǵan», - dep habarlady tótenshe jaǵdaılar departamentinen.
Tótenshe jaǵdaılar departamenti qutqarýshylarynyń kúshimen izdeý jumystary júrgizilip jatyr.
Eske sala keteıik, buǵan deıin Túrkistan oblysynda jyl basynan beri 17 adam sýǵa ketkenin jazǵan edik.
