Ertis ózenine batyp ketken er adamnyń denesi tórt kúnnen soń tabyldy
PAVLODAR. KAZINFORM - 47 jastaǵy er adam ózenniń Sychevka aýyly mańynda batyp ketken. Qutqarýshylar Ertis ózeniniń jaǵalaýyn qaıyqpen 83 shaqyrymdy sholyp shyqqan.
Ertis ózeniniń Pavlodar aýdany Sychevka aýyly mańynan jedel-qutqarý jasaǵynyń qyzmetkerleri 1979 jyly týǵan er adamnyń denesin taýyp, sýdan alyp shyqty.
- Tórt kúnge sozylǵan izdestirý jumystary barysynda qutqarýshylar qaıyqpen Ertis ózeniniń oń jáne sol jaǵalaýynyń 83 shaqyrymyn sholyp, tekserdi. Eholottyń kómegimen 16 900 sharshy metr sý aıdyny zertteldi. Jaǵalaý boıymen jaıaý 10 shaqyrym jol júrildi. Súńgýirler 34 ret núktelik súńgý jumystaryn júrgizip, ózen túbiniń 3 400 sharshy metr aýmaǵyn tekserdi, - dep habarlady óńirlik Tótenshe jaǵdaılar departamentinen.
Іzdestirý jumystaryna jedel-qutqarý jasaǵynyń 4 qutqarýshysy, 1 tehnıka jáne 1 júzý quraly jumyldyrylǵan.
Buǵan deıin Pavlodarda Ertis ózenine batyp ketken er adam izdestirilip jatqanyn jazǵanbyz.
