Ertis ózeninde juqa muzǵa shyǵyp, sýretke túspek bolǵan qyz oıyqqa qulap ketti

PAVLODAR. KAZINFORM — Tótenshe jaǵdaılar qyzmetkerleri Pavlodar qalasynyń Ortalyq jaǵalaýynda Ertis ózeniniń ústine shyǵyp, muz astyna túsip ketken 1994 jylǵy qyzdy qutqaryp aldy.

Ertis ózenindegi reıdtik is-sharalar barysynda Pavlodar oblysy tótenshe jaǵdaılar departamenti jedel-qutqarý jasaǵynyń qyzmetkerleri muzdyń astyna qulap ketken adamdy kórgen.

— Qutqarýshylar birden kómekke asyqty. Olar 1994 jyly týǵan qyzdy jedel túrde sýdan shyǵaryp, oǵan alǵashqy medıtsınalyq kómek kórsetti. Sol eki ortada jetip úlgergen jedel járdem qyzmetkerlerine tapsyrdy. Belgili bolǵandaı, ol súretke túsý úshin juqa muzǵa shyqqan. Alaıda muz qyzdyń salmaǵyna shydamaı, oıylyp ketken, - dep habarlady departamenttiń baspasóz qyzmetinen.

Qutqarýshy Danıl Soloveı muz ústine shyǵýǵa tyıym salynǵanyn eske salady. Aýa raıyna baılanysty qazirgi ýaqytta ózendegi muzdyń qatýy birkeli emes.

Eske sala keteıik, úsh adam mingen kólik Balqash kólinde muz astyna túsip ketti.