Ertis ózeninde joǵalǵan áıeldi izdestirý sharalary júrip jatyr
PAVLODAR. KAZINFORM - Ózen jaǵasynda onyń syrtqy kıimi tabylǵan. Osyǵan baılanysty qutqarýshylar Ertis ózeniniń akvatorııasyn tolyqtaı tekserip jatyr.
Oblys ortalyǵynda 1976 jylǵy áıel joǵalyp ketti. Tótenshe jaǵdaı departamentiniń dereginshe, Ertis ózeniniń jaǵasynan onyń syrtqy kıimi tabylǵan. Qutqarýshylar qazir ózenniń aýmaǵyn tekserýge jumylǵan.
— Qutqarýshylar, súńgýirler sý aıdyny men jaǵalaý aımaǵyn zertteýge múmkindik beretin arnaıy jabdyqty paıdalanýda. Sonyń ishinde júzý quraldarymen jáne eholotpen izdestirý jumystaryn júrgizip jatyr. Tótenshe jaǵdaı departamentiniń qyzmetkerleri polıtsııamen jáne volonterlik uıymdarmen birlesip, jaǵalaýdy jaıaý tekserýde. Jergilikti jerde barlyq tartylǵan qyzmettiń is-qımyldaryn úılestirý uıymdastyrylǵan, — dep habarlady óńirlik tótenshe jaǵdaılar departamentinen.
Eske sala keteıik, Túrkistan oblysynda joǵalyp ketken 15 jasar qyz Almatydan tabyldy.